LAOAG CITY – Inpakaammu ni Mayor Albert Chua iti ciudad ti Batac a saan unay a dakkel ti nagbalin nga epekto ti Supertyphoon Carina iti ciudad-da.
Segun iti Mayor saan unay a naapektaran ti sektor ti agrikultura gapu ta kanayon a maladladaw ti ciudad ti Batac iti planting season.
Iti met agri-infrastructures, ket nadadael ti sumagmamano nga slope protection, farm to market roads, pakairamanan ti sumagmamano a barangay kas iti Barangay Ricarte.
Inlawlawagna pay a ti Barangay Ricarte ket isu ti kangrunaan a barangay a malaylayos gapu ta addaan da iti nabababa a creeks.
Kabayatanna, inpakaammu ni Mayor Chua nga insigida da met a nagresponde kadagiti naapektaran tapno maalay-ayan ti nagbalin nga epekto ti nasao a bagyo.
