LAOAG CITY – Naragsak ni Mayor Fidel Cimatu iti ili a Bangui kalpasan a naamuan na a maysan a sektretaryo ti kabsat na a ni dati a Middle East special envoy Roy Cimatu iti Department of Environment and Natural Resources.
Segunn kenni Mayor Cimatu, maysa a pakaidayawan ti pamilya da ken ti intero a probinsya ti pannakagun-od ti kabsat na ti “overwhelming yes votes” dagiti miyembro ti Commission on Appointments.
Kuna na a dakkel ti panagtalek da iti kabsat na gapu ti kabaelan na a mangidaulo iti DENR nangruna dagiti maipatungpal a reporma ti nasao a departamento.
Ti karit para kenni Sec Cimatu ket tapno paneknekan na kenni Presidente Rodrigo Duterte ken dagiti miyembro ti CA a saan da a nagriro iti desisyon da.
