LAOAG CITY – Mangnamnama ni Mayor Joseph De Lara iti ili ti Solsona nga agnegatibo ti resulta ti swab test dagiti amin a dimmalan iti testing idi kalman ken dagiti dadduma pay a dumalan.
Kunana nga idi kalman ket umabot iti 311 dagiti dimmalan it swab test ken agtultuloy pay laeng daytoy.
Mainaig iti daytoy, kunana a nailockdown ti Barangay Bubuos, Capurictan ken iti Sitio 6 iti Barangay Darasdas ken agpaot daytoy agingga a saan a makontrol ti panagraira ti virus idinto nga iti Barangay Lipay, Nalasin ken Sitio Natayag iti Manalpac ket nai-lift metten ti lockdown.
Mainaig iti daytoy, kuna ni De Lara a nagboluntaryo isuna a nagpa-swab test gapo ta maysa kadagiti nagpositibo ken nagturong iti opisina na ken nakasarsarita na daytoy iti laksid a nakasuot da ti fac mask ken naobserbar ti social distancing.
Iti agdama ket naka-home quarantine ti mayor bayat nga ur-urayen na ti resulta ti swab test na.
Kabayatanna, immapela ti mayor kadagiti kailyan na a sumurot kadagiti amin a mininum health standards kas iti panagisuot ti face mask, face shield ken iti social distancing.
