LAOAG CITY – Inbatad ni Mayor Richard Degala iti ili ti Vintar a dagiti laeng prayoridad a proyekto ti mailatangan ti pondo para iti 2026.
Inlawlawag na nga ado unayen dagiti nailungalong a proyekto a kalikagom a mailatangan ti pondo para iti sumaruno a tawen.
Nupay kasta, kuna na nga isuna a mismo ti mapan agsursur kadagiti nagduduma a barangay tapno amwen no ania dagiti maiprayoridad a proyekto a nasken mapondoan.
Innayon na a maarisit a naimbag dagiti plano nga ipatungpal a proyekto iti ili ti Vintar.
Mainaig iti daytoy, inpakaammo ni Mayor Degala nga umabot iti 300 a milyon a pisos ti nailungalong a pondo iti ili ti Vintar para iti 2026.
