LAOAG CITY – Maragsakan ni Mayor Richard Degala iti ili ti Vintar iti kinaraniagen ti kalsada iti national highway a nagbedngan iti ili ti Vintar ken iti siudad ti Laoag.
Segun kenkuana, daytoy ket babaen dagiti naestablisar a solar lights a proyekto ni Ilocos Norte 1st District Rep. Sandro Marcos.
Nupay kasta, inpalgakna a maladingitan daytoy kalpasan nga agpapan iti daytoy a gundaway ket saan pay a naiyakar dagiti poste ti kuriente ti Ilocos Norte Electric Cooperative a rason ti pannakaitatan ti pannakaipatungpal ti road widening project iti nasao a lugar.
Inbatadna nga adda pay ti inaramidda a panangsurat iti nasao nga kooperatiba tapno dagus daytoy a masolusionan.
Innayonna a manarimaan ti pannakaiplastar ti pannakapapintas ti baro nga arko iti ili ti Vintar ken dagiti kangrunaan a kalsada.
