LAOAG CITY – Inpakaammo ni Mayor Richard Degala iti ili ti Vintar a naaprobarenen ti kiniddawda a proyekto a maipatungpal inton sumaruno a tawen ti 2025 iti nasao nga ili.
Segun ken ni Degala, babaen iti tulong ni 1st District Congressman Sandro Marcos ket manamnama ti pangipasdek a dam iti paset ti Buot River a masarakan iti Pallas Valley ken pakairamanan Small Water Impounding Dam no sadinno innem a nadakamat a dam, lima a rangtay ken Flood Control ti maipatakder iti nasao nga ili.
Namnamaenna a maipatungpal dagiti nadakamat a proyekto inton sumaruno a tawen.
Kabayatanna, dagiti nadakamat a proyekto ket naggapu kadagiti kiddaw dagiti barangay officials ken residente iti nadakamat nga ili.
