LAOAG CITY – Nagyaman ti nabutusan a Mayor ditoy ciudad ti Laoag a ni Michael Marcos Keon kadagiti amin a nangsuporta kenkuana iti naiysuwat nga eleksyon idi kalman.
Segun kenni Keon, ti prayoridad na ket ti pannakabalbaliw wenno matratar dagiti isyu iti merkado publiko ken iti mismo a Laoag City General Hospital (LCGH).
Inpetteng na nga aramiden na daytoy iti uneg ti ummuna a 100 nga aldaw na iti serbisyo apaman a makatugaw.
Kunana a maawatan na a kalpasan nga isu ti naalektaran kas Mayor ditoy ciudad ket ado ti namnamaen dagiti tattao kenkuanA.
Nagkari met ni Keon nga aramiden na amin ti kabaelan na nga agserbi kadagiti tattao ditoy ciudad.
Kabayatanna, nagyaman pay ni Keon kenni dati a Senador Bongbong Marcos ken ti sibubukel a pamilya na gapo iti inpaay da a suporta kenkuana.
Ni Keon ket manamnama a sukatan na ti agdama a Mayor a ni Chyvelle Fariñas.
Nangabak met kas Vice Mayor ditoy ciudad ti Atty. Toto Lazo kontra kenni John Michael Fariñas.
