LOAOAG CITY – Saan nga inakseptar ni Mayor Jessie Ermitanio iti ili a Marcos iti pannakaitudo na a daytoy ti mastermind iti panakapapatay ken ni dati a Mayor Arsenio Agustin iti nasao nga ili.
Kuna ni Ermitanio a saan sa met nga ammon ti sarsaritaen ni Bernie Lazo alias Alex vergara alias Bayaw kalpasan a nagsasangoda iti Ilocos Norte prov’l Office ken kalpasan natiliw ti mayor gapu iti panagikot kadagiti paltog ken balbala nga awanan iti lisensiya.
Inpetteng ni Ermitanio nga awan basol na ken nakasagana a mangsango iti aniaman a maipila a kaso kontra kenkuana.
Malaksid ken ni lazo a naipasango ken ni Ermitanio, naipasango pay dagiti dua a kinadua na a nagiyusuat iti panakapaltog ken ni Agustin.
Dagitoy ket Argie de la Paz alias Argie a taga Bgy. Abucay Abra kenni Joseph Datu alias Espanyol a taga ili ti Burgos iti probinsiya ti Ilocos Sur.
Rumrumuar a ni Datu ti nangpaltog ken ni Asgustin ken nagserbi a “lookout da lazo ken dela paz.
