LAOAG CITY – Inbatad ni Mayor Francis Espiritu iti ili ti Dumalneg a dagiti dua a mannalon a nasugatan gapu iti bimtak a dinamita kabayatan ti kaadda da iti Bolo River ket manarimaan ti panangsipsipot da gapu iti masansan a panangisayangkat da ti illegal a panagkalap iti nadakamat a karayan.
Kinontra pay ti mayor ti immuna a naiparuk-at nga statement nga aksidente a naiggaman ti maysa a mannalon ti fuse ti dinamita rason a bimtak daytoy.
Inpetteng ti mayor nga awan ti fuse ti dinamita no di ket masindian daytoy, ngem possible a saan da a nai-timing ti panangsindi da isut gapuna a bimtak daytoy iti ima da.
Mainaig iti daytoy, inpakaammo ni Mayor Espiritu nga adda ti maysa a paglintegan iti ili da nga inawagan da ti
“Salaknib Karayan” no sadinno nga iti babaen iti daytoy ket adda ti nabukel a Task for Salaknib Karayan tapno bantayan da ti bolo river a pagkalapan nga isu ti maysa a pamastrekan dagiti residente iti ili ti Dumalneg.
Nupay kasta, kuna ti mayor a narigat da a matiambaan dagiti dua a mannalon gapu ta adda ti parasipot da iti ngato ti bantay no sadinno a no adda dagiti makita da mapan agpatrolya iti karayan ket palsiitan ti parasiim iti asidegda tapno makataray dagiti maseknan.
Kabayatanna, inpetteng ni Mayor Espiritu a ti napasamak kadagiti dua a mannalon ti agbalin koma a leksyon para iti amin.
