(Update)LAOAG CITY – Nagsublin a Mayor ti ili a Paoay ti napadisi a Mayor a ni Mayor Jessie Galano.
Daytoy ket kalpasan nga idi kalman nga hearing idiay Court of Appeals ket pinaburan da ti kiddaw ni Galano a Writ of plemirinary injunction.
Gapu iti daytoy, agsubli ni Galano a Mayor ti Paoay pangiyur-urayan na ti desiyon ti nasao a korte para iti permanent injunction a kiddaw na.
Dagiti pannakabagi ti legal ti Dept. of Interior ang Local Gov’t iti Region 1 ken iti probinsiya ti nangbayabay ken ni Galano iti panagsubli na.
Maipalagip a naikkat ni Galano a Mayor ti Paoay babaen ti bileg ti mandar ti Ombodsman gapu ti kasano a Grave Misconduct ngem nagapela idiay Court of Appeals.
Kabayatn na, naatallugod a tinalawan ni Vice Mayor Euileen Guererro ti opisina ti Mayor kalpasan a naaawat na ti pammilin manipud iti Dept. of Interior and Local Govt. (DILG) nga agsubli ni Mayor Jessie Galano kas mayor ti Paoay.
Segun ken ni Guererro, apay ketdin a saan na bakantiyan ti opisina ti Mayor ket adda metten ti mandar ti gobyerno mainaig iti nagbanagan ti kaso administratibo a naipila kontra ken ni Galano.
Saan a naliklikan ti Bise Mayor ti nagipeksa ti an-anek-eken na kalpasan nga adda da dagiti negative a report a dimmanon kenkuana mainaig iti panagtugaw a kas mayor ti Paoay.
Kuna na a nagtugaw laeng daytoy a Mayor gapu ta mandar ti ngato a san ketdi a nagtugaw lattan daytoy.
