LAOAG CITY – Maam-amak ni Mayor Rene Gaspar iti ili a Carasi a maaddaan ti forest fire kadagiti kabanbantayan a paset ti nasao nga ili.
Daytoy ket gapu ti isasangbay manen ti tiempo ti kalgaw ita a tawen.
Kuna na nga adda dagiti naimaldit a pannakauram ti nagduduma a paset ti bantay iti kallabes.
Nupay kasta, awan dagiti nakaru nga uram iti bantay.
Mainaig iti daytoy, patyen ni Gaspar a ti makagapu iti pannakauram dagiti bantay ket dagiti nabaybay-an a naglutuan babaen kadagiti managbaybay-a nga tattao nga aglutluto kadagiti igid ti karayan
Innayon ni Gaspar a tinawen a maisayangkat ti national greening program ti gobyerno gapu kadagiti insidente ti pannakuram dagiti bantay iti nasao nga ili.
Kabayatanna, kinumpirmaran ni Gaspar a nakalasat ti maysa a kailian na a nauram kabayatan ti panagresponde dagiti tattao iti maur-uram a bantay itay kallabes.
Kuna na a nauram ti bagi ti kailian na bayat ti panangsebseb da ti uram iti bantay kadua da dagiti residente ken sumagmamano a miembro ti Sanguniang Bayan.
Segun kenni Gaspar, idi nagangin ket dita a sinallukoban ti uram ti nasao a biktima.
Saanen a makuti iti nasayaat ti lalaki gapu ti pannakauram na.
