LAOAG CITY – Pormalen nga inrakurak ni Manila Mayor Francisco “Isko Moreno” Domagoso ti panagpaidasig na kas presidente iti eleksyon intono sumaruno a tawen.
Iti panagbitla ni Moreno iti sangwanan dagiti supporters na iti Baseco Compound, inpannakel na ti naaramidan na ita a panawen ti pandemya kangrunaan ti panagbakuna ti ciudad.
Segun kenni Moreno, ti silulukat a puso a tumulong uray kadagiti saan a residente ti Manila ket isu ti ar-aramiden ti ciudad kangrunaan na iti panawen ti krisis ken inawagan na nga inclusive government.
Kuna pay ni Moreno a silulukat isuna para iti kritisismo gapo ta ti dumngeg iti reklamo ket isu ti mangitunda ti napinpintas a polisiya ken serbisyo.
Mainaig iti daytoy, inyam-ammo pay ni Moreno ti ka-tandem na a ni Dr. Willie Ong, maysa a cardiologist nga agpaidasig met kas bise presidente.
Inpalgak met ni Ong nga agpaidasig kas bise presidente tapno matulungan dagiti Pilipino a makaspasar ita ti pandemya gubuay ti covid-19.
Dinakamat na nga inawat na nga agbalin a running mate ni Moreno sumagmamano nga aldaw kalpasan ti pannakaitabon ti ina na ken saan a karaman idi kadagiti plano na.
Ni Ong ket nagpaidasig kas senador idi 2019 senatorial election ngem naabak daytoy.
Malaksid iti daytoy, binanatan pay ni Moreno ti pandemic response ti gobierno gapo ta imbes a ma-flatten ti curve wenno maipababa ti impeksyon.
Inbatad na pay a dagiti pulitiko nga agswitik iti kandidatura na ket posible nga iswitik na ti amin a banag.
Kabayatanna, ni Moreno ti maikatlo a nangkumpirmar nga agpaidasig kas presidente no sadinno a ti ummuna ket ni Senador Ping Lacson ken Senador Manny Pacquaio.
Ti met kandidato iti kina bise presidente ket ni Senate President Tito Sotto, Presidente Rodrigo Duterte ken ni Dr. Willie Ong.
