LAOAG CITY – Manamnama a dumalan iti swab testing ti mayor iti Honolulu, Hawaii a ni Mayor Kirk Caldwell.
Iti report ni Bombo International News Correspondent Manny Pascua iti Hawaii, kuna na a dumalan ti mayor iti nasao a test gapu ta adda dagiti nagpositibo nga aserserbi iti opisina na.
Mainaig iti daytoy, inpakaamo ni Pascua a basar iti Hawaii Department of Health ket naimaldit ti 140 a baro a kaso iti intero a Hawaii kalpasan ti 24 nga oras nu sadino a 138 kadagitoy ket manipod iti Honolulu idinto a saggaysa ti naggapo iti Maui ken Kauai.
Gapu iti daytoy ket addan 3,638 ti kabuklan a kaso ti covid-19 iti Hawaii idinto a tallo dagiti nainayun a pimmusay rason nga umaboten iti 34 dagiti pimmusay.
Kabayatanna, kuna ni Pascua a manipod intuno martes imaisubli ti pannakaipatungpal ti 14-day quarantine kadagiti mapan iti sabali nga isla iti Hawaii.
