LAOAG CITY – Malidayan ni Mayor Albert Chua iti siudad ti Batac kalpasan ti napasamak a bomb threat message iti Mariano Marcos State University.
Segun kenkuana, adda ti umdas a wagas ti pakibagaan ti problema iti tunggal indibidual ken saan a pulos a nasayaat ti nadakamat a banag.
Kinunana a saan laeng dagiti estudiante, mangisursuro ken empleado ti naistorbo no di ket dagiti pay resources ti gobierno gapu iti napasamak nga insidente.
Patienna a silulukat ti mata, laapayag ken puso ti gobierno para kadagiti arungiang ti tattao.
Kabayatanna, nagyaman daytoy a nagbalin a negtibo ti bomb threat ngem ado dagiti ti naalarma na.
Mainaig iti daytoy, dinawat na iti publiko a saan nga agulumiim a mangidanon iti ahensia ti gobierno kadagiti saan a nasaayat a banag tapno maikkan ti solusion dagitoy.
Iti agdama, mannarimaan pay laeng ti imbestigasion ti Ilocos Norte Police Provincial Office no siasinno ti adda ti likodan ti account a nangipatulod ti bomb threat iti nasao a unibersidad.
