LAOAG CITY – Kalikagom ni Mayor James Bryan Alcid nga agbalin a perpekto ti pyrolysis machine ditoy ciudad ti Laoag.
Kunana a no 100% a functional ket dakkel a tulong daytoy ditoy ciudad tapno saanen a kasapolan ti agnayon iti sabali manen a landfill.
Inbatad ni Alcid a kabayatan ti ibibisita ti Department Of Science and Technology ditoy ciudad iti kallabes ket naibilin da daytoy kenkuana tapno napinpintas met laeng iti pannakausarna.
Mainaig iti daytoy, kunana no mapagbalinda nga husto, ti basura nga agdagsen ti 100kilos ket agbalin laeng 4kilo.
Inlawlawgna a daytoy a proyekto ket saan nga indonar ti Department of Science and Technology gapu ta naaramid pilot test laengen.
Babaen ti pyrolysis ket naipaisingked ti nasayaat a pannakatratar dagiti basura ken naur-urnos pay a sanitary landfill.
