LAOAG CITY – Kalikagum ni Mayor James Bryan Alcid a mangestablisar ti Mini Heart Center iti Laoag City General Hospital.
Segun ken ni Mayor Alcid, daytoy ket tapno ad-adda a maakomodar dagiti adda ti sakitna iti puso, cancer ken dadduma pay.
Inbatadna a daytoy ket maysa pay kadagiti irekrekomendar dagiti empleado ti Laoag City General Hospital.
Mainaig iti daytoy, maragsakan ti Mayor gapu ta nangato ti revenue iti nasao a balay-pagagasan a basar iti rekord ket daytoy ti kangatoan sipod idi tawen 2013.
Inpanamnamana iti pannakanayon dagiti doktor iti Laoag City General Hospital tapno ad-adda a napinpintas manen ti serbisio medikal ti maipaay kadagiti pasiente nga agturturong iti ospital.
Kabayatanna, inpasingked ni Alcid iti pannakapapintas pay ti pasilidad ken serbisio iti Laoag City General Hospital tapno ad-adu pay dagiti matulunganda.
