LAOAG CITY – Agkiddaw ti tulong ni Mayor Joseph De Lara ken ni Gov. Cecilia Araneta Marcos kadagiti heavy equipment a mausar para iti panangkutkot ti karayan iti ili ti Solsona.
Segun kenkuana, daytoy ket kalpasan a naminsan manen a na-isolate ti Barangay Lipay ken Barangay Nalasin iti nasao nga ili gapu iti napalabas a Bagyo Crising.
Inbatadna a planoda nga agkiddaw ti tulong iti gobierno probinsial para iti pannakausar dagiti heavy equipment a pangkutkot iti karayan tapno adda ti pagnaan ti danum ken saanen a madalapus ti agdama a dike.
Malaksid iti daytoy, kuna ni Mayor De Lara nga agkiddaw pay daytoy ti tulong manipud iti maikadua a distrito para iti nayon nga heavy equipment.
Innayonna a babaen iti daytoy ket saanen a maulit ti napasamak a pannaka-isolate dagiti dua a barangay nangruna ket agsasaruno dagiti dumuprak a bagyo ditoy probinsia.
