LAOAG CITY – Adda pay laeng dagiti residente idiay Solsona, Ilocos Norte a karaman iti illegal a droga.
Daytoy ti inadmitir ni Mayor Joseph de Lara iti nasao nga ili iti interview kenkuana ti Bombo Radyo Laoag.
Inbatad na a kas pammaneknek ket adda dagiti naoperasyonan iti ili da itay laeng kallabes.
Segun ti mayor, naiget ti pannaki-koordinar na iti PNP kangrunaan na ti chief of police a ni Police Capt. Chris Anthony Sorsano tapno madalusan ti ili da iti illegal a droga.
Mamati ni de Lara a dagiti isayangkat da nga addang kadagiti sumarsaruno nga aldaw ket agbalin nga epektibo tapno magutigot dagiti adda ti pannakainaig na iti illegal a droga a sumuko laengen iti PNP.
Inpasingked ti mayor a nakasagana iti opisina na a tumulong kadagiti maseknan laketdi agbalin da a napudno iti panagbalbaliw.
