LAOAG CITY – Inbatad ni Mayor Joseph de Lara iti Solsona, Ilocos Norte a plano na a patubtub ti pasdek a rinugyan nga inpatakder ti napalabas nga administrasyon iti lote ti simbaan iti nasao nga ili a napondoan ti nasurok a 10 a milyon a pisos.
Ngem kunana a pilaan na dagiti opisyal a saan nga umiso ti inar-aramid na maipanggep ti pannakaipatakder ti pasdek iti lote ti simbaan iti nasao nga ili.
Segun kenkuana, inikkan dagiti kameng ti konseho ti otoridad a mangipila ti reklamo kontra kadagiti opisyal nga adda ti pannakainaig na iti pannakaipatakder ti nasao a pasdek.
Inlawlawag na nga idi un-unana a panawen kangrunaan na iti liderato ni dati a Mayor Irineo Cariaga ket adda ti nagbalin a katulagan ti municipyo ken simbaan.
Iti eksklusibo nga interview ti Bombo Radyo Laoag ken ni Mayor de Lara, inpetteng na nga iti napalabas nga administrasyon, naipresentar ti plano a modern sports stadium iti konseho idi isu pay laeng ti bise mayor iti nasao nga ili isut gapuna nga immanugot da gapu ta makita da a napintas.
Nupay kasta, nadismaya ni de Lara gapu ta saan met nga stadium ti naipatakder no di ket arigna hotel gapu iti kaado ti kwarto na.
Daytoy
ket ti saan a pannakagaraw ti lote ti simbaan a rumbeng a matungpal
gapu ta saritaan daytoy dagiti lallaki.
Inpetteng ni de Lara nga amin a kayat ti napalabas nga administrasyon ket inaramid uray awan iti umiso a proseso.
Kuna na nga ado dagiti nasaysayang a kwarta ti ili ti Solsona gapu kadagiti proyekto a naipatpatakder iti napalabas nga administrasyon.
Innayon na nga uray saanda a pabor iti ar-aramiden idi ti napalabas nga administrasyon ket awan maaramidan da gapu ta dudua da nga agkadwa iti konseho.
