LAOAG CITY – Kinumpirmaran ni Sang bayan member Bobby Sacro idiay Solsona, Ilocos Norte nga adda ti napasamak a komosyon iti nagbaetan da ken ni Mayor Alexander Calucag kalpasan ti flag ceremony itay bigat.
Segun kenni Sacro, bayat nga agsarsarita iti sangwanan dagiti empleado iti ili ti Solsona ket inpakaammo na ken ni Mayor Calucag ti concern dagiti sumagmamano a kameng ti media seknan ti Comfort Room (CR) nga adda ti kabanbantayan a paset ti nasao nga ili.
Inkorehir pay ni Sacro ti naibaga ti mayor a saanna a kayat ti maaddaan ti kritiko.
Gapu iti daytoy, nakaunget ti mayor ken nakasao ti dakes iti sango dagiti empleyado.
Inpetteng ni Sacro a kayat na a kasuan ti mayor gapu ti pannakaibabain da kadagiti empleyado.
Kabatayanna, kinontra ni Mayor Calucag ti alegasyon kontra kenkuana babaen kenni Sacro.
Kuna ti mayor nga adu ti makapaneknek no siasinno kadakuada kenni Sacro ti agsasao ti pudno.
Innayon ni Calucag a possible a saan a nangeg amin ti konsehal dagiti insasao na gapu ta naladaw daytoy.
Inlawlawag ti mayor iti panagbitla na a sipud idi ubing daytoy ket saan na a kayat a maaddaan ti kritiko kadagiti nagbannogan na ngem itan a mayor ket masapul nga aramiden da a positibo daytoy tapno nadurdur-as ti ili da.
