LAOAG CITY – Nagpadespensar ni Mayor Michael Marcos-Keon kadagiti bumarangay ditoy ciudad ti Laoag.
Daytoy ket gapu iti naladaw a pannakaibunong dagiti non-infrastructure projects ditoy ciudad.
Karaman kadagiti non-infra projects ket ti 65 a movable tent, 120 mono bloc table, innem nga air cooler, 5 ribo a mono bloc chair, 23 a grass cutter, tallo a chainsaw, 80 a nebulizer, 100 a thermometer, 28 a kurung-kurung nga addaan ti motorsiklo, e-bike nga addaan ti kurung-kurung ken dadduma pay.
Inpasigurado ti lokal a gobierno ditoy ciudad ti Laoag a dagiti maibunong nga items ket nadalos ti dokumento na.
Malaksid iti daytoy, naipatalged a dagiti nasao nga items ket natibker ken mausar a napaot.
