LAOAG CITY – Inlawlawag ni Mayor Larissa Foronda iti ili ti Vintar no apay a saan na nga inaprubaran ti 2022 annual budget nga inpasa ti konseho iti nasao nga ili.
Inbatad ti mayor a manipud iti 300 a milyon a pisos ket kinissayan ti konseho isut gapuna a napagbalin laeng a 266-milyon a pisos.
Kuna na pay a ti inaprubaran laeng ti konseho a sweldo dagiti job order iti gobierno lokal iti ili ti Vintar ket agpatingga intono marso ita a tawen.
Maysa pay a kwinestyunaran ni Foronda ket ti inlatang ti konseho a travel allowance iti opisina na nga umabot laeng ti 5 ribo a pisos.
Inpetteng na a nasaysayaat pay no reenacted ti pondo iti ili ti Vintar ita a tawen.
