LAOAG CITY – Naglikudan ni Mayor Benjamin Magalong a nagibbat daytoy iti puesto kas Mayor ti Baguio City tapno agserbi kas independent commission a mangimbestigar iti maipagarup a korapsion iti infrastructure projects ti gobierno iti napalabas a 10 a tawen.
Inaramid ti Mayor ti panangilawlawag iti online account-na kagiddan ti naipadamag a maipagarup a panagikkatna iti puesto.
Kunana nga awan ti kinapudnona dagiti agwarwaras a claims a naglusulos daytoy iti puesto ken inpettengna a saan daytoy a nag-resign.
Inlawlawagna a nagtalinaed daytoy a fully committed iti panagserbina iti siudad.
Maipalagip nga immunan nga innaganan ni Presidente Ferdinand Marcos Jr. ni Magalong kas special adviser ken investigator para iti binukel nga independent commission.
Innayon ni Mayor Magalong a saan a makaapektar iti mandatona kas Mayor iti akemna iti nasao a komision ken agtalinaed a prioridadna dagiti umili idiay Baguio City.
