LAOAG CITY – Masapol a maaddaan amin ti security license dagiti personnel ti Civil Security Unit (CSU) ditoy ciudad ti Laoag.
Daytoy ti nagbalin a mandar ni Mayor Michael Marcos-Keon ditoy ciudad.
Iti inparuk-at a pammilin ni Keon, inpalgak na a dagiti nag-expired ti lisensya na a kameng ti Civil Security Unit ket rumbeng a mairenew.
Mainaig iti daytoy, inadmitir ni Civil Security Unit Head Ramelito Piedad nga adda dagiti personnel da a mangiyaleng-aleng a mangirenew wenno mangala ti lisensya na.
Inpetteng na a permanente man wenno contract of service ket rebbeng na laeng a maaddaan ti lisensya.
Nupay kasta, inpakaammo ni Piedad a dagiti kameng ti Civil Security Unit nga addaan ti rangkap iti bagi ket saanen a kasapulan a mangala ti lisensya na gapu ta tulong daytoyen ti gobierno ditoy ciudad ti pannakaipaay kadakuada ti trabaho iti baet ti sitwasyon da.
