LAOAG CITY – Kalikagom ni Mayor Michael Marcos-Keon a maaddaan ti communal vegetable garden iti kada barangay ditoy ciudad ti Laoag.
Inbatad na a gagem ti administrasyon na a mapabileg ti agrikultura ditoy ciudad tapno agtultuloy a natalged iti suplay a taraon.
Maragsakan ti mayor a malaksid iti barangay ket immunan nga adda dagiti pagadalan a nangikalikagom a maaddaan iti nasao a programa.
Dagitoy ket iti Eulalio F. Siazon Memorial Elementary School ken iti Salet Elementary School.
Inlawlawag ni Mayor Keon a babaen iti nasao a programa ket maitandudo ti organic farming, mataginayon ti supplemental feeding program, masursurwan dagiti ubbing ti panagmula ken masursurwan da a mangan ti nagduduma a klase ti nateng.
