LAOAG CITY – Saan nga ikonsiderar ni Mayor Michael Marcos Keon ditoy ciudad ti Laoag ti panangideklara a bankrupt ti Laoag City General Hospital (LCGH).
Segun kenni Keon, no ikonsiderar na daytoy ket arig na maysa nga atleta a simmuko nga isu ti saan na a pulos nga aramiden para iti ospital.
Inpetteng na nga aramiden na amin ti kabaelan na tapno maisalbar ti Laoag City General Hospital.
Ummuna iti daytoy, adda ti panagsisinnungbat iti nagbaetan dagiti sumagmamano a konsehal kenni Mayor Keon iti uneg ti opisina na gapo iti suhestyun a saan nga anamungan ti mayor.
Nupay kasta, nagyaman latta ti mayor kadagiti konsehal gapo ta inikkan da ti oras ti isyu iti Laoag City General Hospital (LCGH).
Kunana dakkel ti problema ti Laoag City General Hospital a daytoy ket natawid na iti napalabas nga administrasyon.
Inpakammo na nga uray idi ket adan dagiti saan nga agsusweldo nga empleado nga isu pay ti mapaspasamak ita a gundaway.
