LAOAG CITY – Mamati ni Mayor Michael Marcos Keon nga adda ti maris pulitikana iti maipagarup a panangsabotahe ti Provincial Government of Ilocos Norte kadagiti aktibidad ken programa ti City Government.
Daytoy ti nagbalin a sungbat ti Mayor kabayatan ti pannakaisayangkat ti Press Conference.
Segun kenkuana, malasin met a dagiti mapaspasamak iti agdama iti administrasionna ket adda ti pakainaigan iti mapaspasangasangan a 2025 Midterm Election.
Kabayatanna, daytoy ti nagbalin nga obserbasion ti Mayor kadagiti napaspasamak iti kallabes nga arig ket naapektaran ti pannakaipatungpal dagiti nagduduma nga aktibidad ken programa iti lokal a gobierno ditoy siudad ti Laoag.
