LAOAG CITY – Inbatad ni Mayor Michael Marcos Keon ditoy ciudad ti Laoag a maawatanna no apay nga adda dagiti agkalikagom a maikkat ti bike lane iti bypass road, idinto nga adda met dagiti saan nga umanamung.
Kunana a saan na a kondinaren ti nagbalin a desisyon ti Sang. Panlungsod a maikkat ti bike lane, ngem kiniddaw na ti naan-anay a panagannad dagiti siklista tapno awan kuma ti madisgrasya iti bypass road.
Maiplagip nga immunan nga inpasardeng ti Sang. Panlungsod ditoy ciudad ti Loaag ti kontruksyon ti bike lane iti bypass road no sadinno a pinatgan met daytoy ti Department of Transportation.
Iti agdama ket mannarimaanen ti pannakabakbak iti nasao a proyekto.
