LAOAG CITY – Napadayawan ni Mayor Remigio Medrano iti ili ti Sarrat kas “Outstanding Mayor” iti intero a pagilyan.
Segun ken ni Medrano, ti nasao a pammadayaw ket inpaay ti Superbrand International.
Inlawlawag ti mayor a ti Superbrand International ket agpilpili kadagiti public servants a napintas ti serbisyo na.
Kuna na nga adda ti pagibasaran ti nasao nga organisasyon iti panagpili da kadagiti ipaayan da ti pammadayaw kas koma no ania dagiti ipapaay ti maysa a public servant iti masakupan na a lugar kangrunaan na iti pakaseknan ti imprastraktura, agrikultura, edukasyon, tulong para kadagiti senior citizens ken dadduma pay.
Innayon na a karaman pay a nagibasaran ti organisasyon ket no kasanu ti panangiwanwan ken panangaksyon da ti pandemya a gubuay ti covid-19 virus.
