LAOAG CITY – Nakasagana ni Mayor Remigio Medrano iti ili a Sarrat a mangted ti nayon a tulong kadagiti benepisiario ti Sustainable Livelihood Program ti Department of Social Welfare and Development.
Segun kenkuana, malaksid ti ipapaay a tulong ti DSWD kadagiti 550 a benepisiaryo ti Sustainable Livelihood Program iti Brgy. San Vicente ket nangted pay ti Local Government Unit ti pwesto a paglakuan iti merkado publiko iti nasao nga ili.
Inbatad ni Medrano a ti kangrunaan a pangal-alaan ti munisipio kadagiti maipaay a relief goods kadagiti biktima ti bagyo iti ili da ket iti negosyo dagiti nasao a benepisario.
Inbunannag na a ditoy pay a gumatgatang para iti personal usage dagiti annak na nga adda iti hotel.
Inpakaammo ni Medrano a silulukat ti opisina na a dumngeg kadagiti aniaman a kiddawen dagiti nasao a benepisiaryo.
Nupay kasta, inbatad ti Mayor a dumalan ti naiget a proseso sakbay a maiyawat kadakuada iti aniaman a kiddaw nangruna no pakaseknan iti nayon a pondo para iti pwesto da ngem inpasingked na nga adda ti pondo para kadakuada.
Innayon ni Medrano nga awan met pay ti nakita na a parikot dagiti nasao a benepisiaryo
Maipalagip a pinondoan ti DSWD ti napanunutan a negosyo dagiti nasao a maseknan iti 1,500,000 pesos.
