LAOAG CITY – Nagsublin iti trabaho ni Solsona Mayor Joseph de Lara ken Pagudpud Mayor Rafael Benemerito.
Daytoy ket kalpasan 60-day preventive suspension a naipataw kadakuada a nangrugi idi Hulyo 16.
Iti ili ti Solsona, dagus a naiyuswat ti staff meeting nga indaulwan ti Mayor ken sinalusod na estado dagiti departamento.
Naamoan nga ita met a malem ti panangtaripnong ni Benemerito kadagiti department heads ken manamnama met a mapagsasaritan ti estado dagiti opisina kalpasan ti 60 nga aldaw.
Maipalagip a dimmalan iti preventive suspension dagiti dua a mayor gapo iti kaso administratibo.
