LAOAG CITY – Binalakadan ni Pasig Mayor Vico Sotto dagiti agprotprotesta iti opisina ti St. Gerrard Construction a saan nga agaramid ti kinadamsak.
Daytoy ket kalpasan a nagiwarang ti pitak dagiti nagrally ken nag-spray paint ti sarita a mannanakaw iti gate ti St. Gerrard Construction iti Pasig, a kukua ni Cezarah “Sarah” Discaya.
Agamak ni Mayor Sotto para iti seguridad dagiti security guard, mangmangged ken dagiti protesters gapu ta saan met a dagiti kurakot ti matamaan no maaddaan ti gulo iti lugar.
Inkari ti mayor a tumulong ti lokal a gobierno ti Pasig iti panagimbestigar ken panangkamat kadagiti adda ti pakainaigan na iti maipagarop a maanomalya a flood-control projects.
Kabayatanna, immunan nga ibabawi ti Philippine Contractors Accreditation Board (PCAB) ti lisensya ti siyam a kumpanya ni Discaya kalpasan nga inadmitir na ti “multiple bidding participation” iti Senado.
