LAOAG CITY – Nauram ti maysa 2-storey residential house iti Barangay 1-N Ricarte iti ciudad ti Batac.
Imbatad ti Bureau Fire Protection iti ciudad ti Batac nga alas 10:05 ti rabii idi nakaawat da ti tawag nga adda mauur-uram iti nadakamat a barangay.
Dagos met a nagresponde dgaitoy no sadinno a nagtitinnulong ti innem a fire trucks, uppat a fire truck manipod iti Bureau of Fire Protection iti ciuad ti Batac, maysa iti ili ti San Nicolas ken maysa iti ili ti Paoay.
Gapu iti alisto a panagkayamkam ti uram ket nasurok maysa oras sakbay a naideklara a fire out no sadinno nga ag-alas 11:14 ti rabii idin.
Basar iti inisyal nga imbestigasyon ket maysa ti nairecord nga injured.
Iti agdama ket agtultuloy pay laeng ti panagimbestigar dagiti kameng ti Bureau of Fire Protection iti nadakamat nga ili ti namunganayan ken cost of damages ti napasamak nga uram.
