LAOAG CITY – Dead-on-arrival ti maysa a babai nga agtawen ti 57 ken nagtalinaed met iti ospital dagiti lima pay nga indibidual kalpasan a nagdinnungpar ti maysa a pampasahero a dyip ken kotse iti Barangay Balacad ditoy ciudad ti Laoag.
Basar iti inisyal nga imbestigasyon ket aggapo iti ili ti Paoay ti dyip bayat a ti kotse ket agawid iti ili ti Currimao.
Nabigbig ti nangiturong iti kotse a ni Daniel Fernando ken addaan ti lima a lugan bayat a nabigbig met ti drayber ti dyip a ni Mr. Danilo Tonelada, no sadinno nga adda met iti natalged a kasasaad.
No pay adda iti natalged a kasasaad ti drayber ti jeep ket kiniddaw dagiti nagresponde nga agpataming latta daytoy.
No pay kasta ket saan pay a masinunuo no addaan ti impluwensya ti nasanger ti drayber ti dyip.
Kabayatanna, agtultuloy pay laeng ti imbestigasyon no kasano ti nangrugyan ti insidente.
