LAOAG CITY – Dead on the spot ti maysa a babai kalpasan ti panagdinnungpar ti maysa a motorsiklo ken Fortuner iti Brgy. Dilavo iti ili ti Pasuquin.
Basar iti inisyal nga imbestigasyon, inbatad ni PMaj. Julius Basallo iti Philippine National Police iti ili ti Pasuquin nga aggapu iti amianan ti motorsiklo agturong abagatan bayat a ti Fortuner ket agpa-amianan ken rurumuar nga immagaw ti linya nakamotorsiklo a nangitunda metten iti panagdinnungpar da.
Kuna ni Basallo nakapasar ti biktima iti nakaru a sugat ken insigida met a nagresponde dagiti kameng ti Bureau of Fire Protection iti nasao nga ili pakairamanan ti Rural Health Unit ngem naideklara a dead on the spot ti nakamotorsiklo babaen ti doktor a nangtaming.
Kinumpirmaran pay ni PMaj. Basallo nga awan ti impluwensya dagiti dua a nangiturong ti behikulo iti nasanger, ngem naammuan nga awan ti suot ti biktima a safety gears.
Kabayatanna, adda metten ti inisyal a saritaan dagiti dua a partido no sadinno ket awan met ti plano ti pamilya ti biktima a mangidarum iti driver ti Fortuner.
Ti biktima ket residente iti barangay Caruan iti ili ti Pasuquin, bayat a dagiti lugan ti Fortuner ket residente iti ili ti Pagudpud.
