Nakaawat dagiti sheriff idiay Washington iti naisangsangayan a tawag manipud iti maysa a babai kalpasan a dinarup ti pagtaengan na ti ado a raccoon.
Segun ken ni Kevin McCarty, pannakangiwat ti opisina ti sheriff, inladawan ti babai a masapul na ti agbakwit kalpasan a 50 agingga iti 100 a raccoon ti nangraut iti pagtaenganna.
Kinuna ti babai a rinugianna a pinakan ti maysa a pamilia dagiti raccoon kalpasan ti ado a tawenen ti napalabas ket in-inut nga umad-adu ti raccoon nga umumay iti pagtaengan na.
Basar iti opisina ti sheriff ken ti Washington Department of Fish and Wildlife, awan ti nalabsing a linteg iti nasao a pasamak.
Inbatad ti Bridget Mire manipud iti Washington Department of Fish and Wildlife, maiparit ti panangpakan kadagiti dadakkel a carnivore, kas kadagiti oso ken cougar a naibasar iti linteg ti estado.
Nupay kasta, nainget a binalakadan ti ahensia dagiti tattao a saanda a pakanen dagiti atap nga animal.
