LAOAG CITY – Kinumpirmaran ti PNP-San Nicolas ti pannakatiliw ti maysa a lalaki gapo iti maipagarop a panangdangran na iti dati a nobya na iti uneg ti maysa a call center iti nasao nga ili.
Kuna ni Police Chief Master Sergeant Bisana Ulep, konektado daytoy iti Women and Children Protection Program isut gapo na a saanen a nainaganan dagiti karaman iti daytoy.
Nupay kasta, iti inisyal nga impormasyon a nakalap ti Bombo Radyo ket adda ti biktima a babai iti uneg ti call center ken kabayatan ti panagmeryenda na iti asideg ti locker na ket immasideg ti dati a nobyo na.
Rumrumwar a ditoy a napasamak ti maipagarop a panangulod-ulod ti lalaki iti biktima, dinanog na pay ti rupa na partikular iti babaen ti akin-kannigid a mata na, ken rumrumwar pay nga inkugtar na pay ti sapatos na.
Gapo iti daytoy, naitaray iti ospital ti nasao a biktima ket maisagsaganan metten ti reklamo a sangwen ti suspek.
Rumrumwar a ti suspek ket agsagsagaba ti depresyon gapo iti maipagarop a panagkedked ti babai a makisunnublayanan iti babai kalpasan ti makabulan sipud nagsina da.
