LAOAG CITY – Balligi a naarestar ti maysa a babai gapu iti panaglabsing iti Batas Pambansa Bilang 22 wenno bouncing check law.
Daytoy ti inbatad ni P/S/Sgt Seymour Belarmino, duty desk officer iti Philippine National Police ditoy siudad ti Laoag.
Binigbigna ti suspek a ni Rosefria Domingo Mariano, agtawen ti 41, naasaawan ken residente iti Brgy. 27 ditoy ciudad.
Segun kenkuana, naarestar daytoy babaen iti arrest order nga inparuk-at ti Presiding Judge Marty Pajarillo Cachapero of MTC iti ili ti San Nicolas.
Nammoan a sumangsango ti suspek iti tallo a kaso a naipila kenkuana a Criminal Case No. 7009,7010,7012
Kabayatanna, narekomendaran daytoy nga agpiansa nga agadagup iti P42,000, P18,000 ken P12,000 para iti temporaryo a panakawaya-waya na.
