LAOAG CITY – Naarestar ti maysa a babai kalpasan ti naiyuswat a drug buy bust operation iti Brgy. 13 iti ili ti San Nicolas.
Nabigbig ti suspek a ni Josephine Reyes, naasawan ken residente iti nasao nga ili.
Segun ken ni PLt. Jackson Sugayen, ti magngidadaulo ti Provincial Drug Enforcement Unit (PDEU) ti suspek ket maysa nga High Value Inividual ken miembro iti Rommel Pablo Drug Group.
Inbatadna a nakumpiskar iti suspek ti tallo a sachet a maatap a shabu ken dua a sachet a nausar iti transaksyon pakairamanan ti 1,000 a pisos a buy bust money.
Iti agdama ket nagtalinaed iti kustodyar ti PNP San Nicolas ti suspek bayat a maiyur-uray ti maipila a kaso a panagsalungasing ti RA 9165 wenno ti COmprehensive Dangerous Drugs Act of 2002 kontra kenkuana.
Kabayatanna, ti nasao nga oprerasyon ket inadauloan ti Regional Drug Enforcement Unit.
