LAOAG CITY – Kinumpirmaran ni Police Captain Ralph Dayag, ti chief of police ti PNP-pasuquin nga adda ti nagaburan a maysa babai gapo iti napasamak a landslide idiay Barangay Surong iti nasao nga ili.
Iti inisyal nga impormasyon ng inpadanon ni Dayag iti Bombo Radyo, dagiti kapamilya ti saan pay a nabigbig a babai ket nakaibakwiten ngem nabati isuna gapo ta ipakni na dagiti kagamitan ti balay da.
Inbatad na a kabayatan ti panangipakni ti biktima kadagiti kagamitan da ket nagregaay ti daga a nangitunda ti pannakagabor ti pagtaengan da ken saan a makarwar daytoy.
Iti agdama ket manarimaan ti rescue operations dagiti kameng ti PNP iti nasao nga ili.
