LAOAG CITY – Kinumpirmaran ni Brgy. Chairman Abe Agsao iti Brgy. Ester iti ili ti Vintar nga adda ti maysa a babai a napaltogan nadakamat a lugar.
Nabigbig ti biktima a ni Arlene Badayan, agtawen ti 49, balo ken residente iti Sitio 4 ti Brgy. Ester iti ili ti Vintar.
Kinunana a basar iti impormasion manipud kadagiti otoridad ket mannarimaan ti panagluto ti biktima sakbay a napaltogan.
Gapu iti daytoy, maipagarup a ti paset iti barukong ken ima ti natamaan manipud iti biktima.
Segun ken ni Kapitan Agsao, adda ti timmawag kenkuana nga adda ti maysa a residente da ti napaltogan rason nga insigida a napan nagresponde.
Innayonna, nga apaman nga insigida a napan nagresponde iti pagtaengan ti biktima ket intarayda a dagos daytoy iti ospital idinto a nasabatda met ambulansiya nga umay agresponde.
Mainaig iti daytoy, naitaray ti biktima iti Mariano Memorial Hospital and Medical Center para iti naan-anay a pannakatamingna.
Kabayatanna, inlawlawag ti kapitan nga awan ti aniaman a paikadamdamagan ti biktima iti barangayda.
Iti agdama, mannarimaan ti panangisayangkat ti Philippine National Police iti nadakamat nga ili ti naan-anay nga imbestigasion maipanggep iti nasao nga insidente.
