LAOAG CITY – Nasugatan ti maysa a babai kalpasan a binagkong ti uliteg na iti Barangay 7, San Miguel iti ili ti San Nicolas.
Basar iti Philippine National Police, ti biktima ket agtawen ti 32 idinto a ti suspek ket agtawen ti 58, agpada a residente iti nadakamat a barangay.
Iti inisyal nga imbestigasyon, bayat nga agtugtugaw ti biktima iti uneg ti balay da ket simrek ti suspek nga uliteg na ket ditoyen a binagkong na iti namindua a daras.
Naamoan a nasugatan iti likud ken tengngeg ti biktima no sadinno a naitaray a dagus iti Black Nazarene Hospital para iti naan-anay a pannakataming na.
Inpakaammo ti Philippine National Police a silalamo ti suspek idi matiliw dagiti otoridad.
Rumrumuar a ti nasao a suspek ket maipagarop nga adda ti problema iti panagpanpanunot na, a daytoy ti naiget nga iberberipikar dagiti otoridad.
