LAOAG CITY – Nasugatan ti ulo ti agtawen ti 28 a babbai kalpasan a binakal-bakal ti nabubuong nga hollow blocks ti maysa a barangay tanud iti Barangay Salbang iti ili ti Paoay.
Daytoy ti inbatad ni Police Chief Master Sergeant Teddy Frank Ucol, ti imbestigador iti PNP iti ili ti Paoay.
Inbatad ni Ucol a naireport iti PNP ti napasamak ngem inyendorsar da pay laeng iti barangay tapno isu ti umuna a pakasolbaran ti napasamak.
Inpakaammo na a no bilang saanto a masolbar ti barangay ti napasamak ket isunton ti panagkamang dagiti maseknan iti PNP tapno mapilaan ti kaso administratibo ni Barangay Tanud Remeric Espartero iti Barangay Salbang iti ili ti Paoay.
Segun ken ni Ucol, gapu iti panangbakal-bakal ti nabubuong nga hollowblocks ti barangay tanud iti babai ket nasugatan ti ulo na no sadinno a tallo ti dait na.
Napasamak daytoy kalpasan a nagriri ti barangay tanud ken ti saanen a nabigbig a babai a karruba na.
Naamoan nga iti panagresponde dagiti kameng ti pulisya ket nagtalapwagaw ti nasao a barangay tanud.
