LAOAG CITY – Natay ti maysa a babai kalpasan a nadungpar iti maysa a lugan kalpasan nga nakibiang ti agtawen ti 10 nga ubing iti nakaparking a lugan iti Brgy. Macayepyep idiay ili ti Banna.
Nabigbig daytoy a ni Flordelina Susa, agtawen ti 58, naasawaan ken residente met laeng iti nasao a barangay.
Segun ti impormasyon ti PNP, nakaparking ti lugan ni Roberto Lachita, ama ti ubing iti sango ti maysa a balay iti nasao lugar.
Naamoan a pinanawan ni Lachita ti lugan na a nakaandar ken inbati na ti anak na iti uneg ti lugan ket bayat ti kaawan na ket dagus a napan iti driver’s seat ti ubing ket pinaddakan na ti silinyador.
Gapu iti daytoy, nadungpar na ti nakatakder a ni Susa karaman pay ti maysa a motorsiklo a nakaparking iti uneg ti pagtaengan.
Dagus a naitaray ti RHU ti nasao nga ili ken naiyakar iti ospital idiay ciudad ti Batac ngem naidelkara a dead on arrival gapo ti sinagaba na a sugat iti nagduduma a paset ti bagi na.
