LAOAG CITY – Natay ti maysa a babai kalpasan a nagbekkel iti ili ti Solsona.
Daytoy ti kinumpirmaran ni P/Capt. Randy Damo hepe ti Philippine National Police iti ili ti Solsona.
Ti suspek ket agtawen ti 24, naasawaan, duwa ti annak na ken residente iti nasao nga ili.
Segun ken Damo, ti maipagarup a rason ti ti panagbekkel ti biktima ket gapu iti saan nga usto a pannakabingbingay ti balikbayan box ti pamilya da.
Malaksid iti daytoy ket naammuan nga adda dagiti immuna a gundaway a ginandat ti biktima ti agpakamatay idi bulan ti Pebrero iti daytoy met laeng a tawen gapu iti depresyon.
Kunana nga apaman nga adda nangitawag ti insidente iti biang ti pulisya ket insigida da a nagresponde ken naitaray ti biktima ospital ngem natayen daytoy.
Segun iti ina ti biktima, nasintir na nga aldaw met laengen ket saan pay a bimmangon ti anak na isu a nagdesisyon daytoy a mapan kitaen iti kwarto na.
Apaman a nalukatan na ti kwarto ti anak na ket ditoy a nakita na a nagbekkel ti anak na usar ti tali nga ingalot na laeng iti bobeda ti balay da.
Kabayatanna, nagballaag ni P/Cpt. Damo a nu masintir a makapaspasar ti depresyon dagiti kameng ti pamilya ket saan nga agpangduadua a kasarita isuda.
