LAOAG CITY – Natiliw ti maysa a babai gapu iti panagtakawna iti sumagmamano nga “items” iti dakkel a mall iti ili ti San Nicolas.
Nabigbig ti suspek a ni Maria Elizabeth Alegarbes, 32, ken residente idiay Sitio Ubay, barangay 60, Negros Occidental, ken agnanaed pay idiay Brgy. 2 Isabela.
Basar ti report ti PNP-San Nicolas, bayat a rumuar ti suspek ket dita a naguni ti “alert-door-system” ti mall ket narekobre dagiti security guards ti maysa a jogging pants a para ubing nga agbalor ti 349 pesos, ken 7 a pidaso ti panty nga agbalor ti 948 pesos manipod iti bag ti suspek.
Gapu iti daytoy, inpakustudyar ti security official ti dakkel a Mall ti nasao a suspek para iti naan-anay a disposisyon kenkuana.
