LAOAG CITY – Natay ti maysa a babai ken nasugatan ti asawa na kalpasan ti pannakaidungpar da iti gmelina tree iti Ilocos Norte-Abra road, bisinidad ti Sitio Bituin, Brgy. Valdez, Marcos, Ilocos Norte.
Segun kenni Police Major Johnvale Maramag, ti chief of police ti Philippine National Police iti ili ti Marcos, nakalugan iti red Starex Van, nga addaan ti plate number a BDZ 232 dagiti biktima nga agtawen ti 54 nga isu ti driver ken ti atawen ti 50 nga asawa na, residente iti Brgy. Daqiuoag iti nasao nga ili.
Kunana a basar iti imbestigasyon da, naggapo ditoy ciudad ti Laoag dagiti biktima ken agawid da kuman ngem bayat ti panagpaabagatan da ket nairidep ti driver a puon ti pannakaidungpar da iti puon ti gmelina nga adda iti akin-kannawan a paset ti igid ti kalsada.
Kunana a ti mismo a timmama iti puon ti kayo ket ti passenger side a puon ti nagsagabaan da ti sugat ken naitaray da iti Doña Josefa Edralin Marcos District Hospital (DJEMDH) iti Brgy. Lydia iti nadakamat met laeng nga ili.
Nupay kasta, bayat a matamtaming ti babai ket pimmusay ti driver ket outpatient.
