LAOAG CITY – Ado dagiti maay-ayo iti maysa a dambuhala a baboy idiay Barangay Davila, Pasuquin, Ilocos Norte gapu ti kina-friendly na, makasarita ken mabaon pay.
Segun ken ni Mrs. Virgie Daguro, ti taraken da a baboy ket pinanaganan da ti ‘Singpet’ ken daytoy ket naidumduma ti kinadakkel na gapu ta arigna saanen a makita ti rupa na, ken nakangisngisit daytoy.
Inbatad ni Daguro iti Bombo Radyo a saan da nga ipuppupuk ti nasao a baboy gapu ta paggugusto na ti makiay-ayam kadagiti pada na nga ayop.
Napaneknekan pay ti Bombo Radyo a mabalin a baunen ken makasarita ni ‘Singpet’ babaen ti panangpatugaw, panangpaedda kenkuana, ken idi awagan ti amo na ket nagdardaras nga immasideg.
Naamoan a ‘choosy’ pay ni Singpet kadagiti kankanen na gapu ta dagiti kankanen dagiti tattao ti kayat na kas ti inapoy, spagetti ken dadduma pay.
Mrs. Virgie Daguro
Iti laeng kallabes ket inbatad ni Daguro a sinelebraran da ti umuna a kasangay ni Singpet.
