LAOAG CITY – Dead on the spot ti maysa a baka iti Brgy 11 iti ili ti San Nicolas kalpasan a dinungpar ti garbage truck iti lokal a gobierno ditoy ciudad ti Laoag.
Daytoy ti kinumpirmaran ni Police Major Eduardo Santos, ti chief of police ti Philippine National Police iti ili ti San Nicolas.
Segun kenni Santos, ti aksidente ket napasamak iti barangay road a sakupen iti Brgy. 11, San Rufino iti nasao nga ili.
Kunana a ti nangiturong ti truck ket agtawen ti 36, awanan ti asawa garbage collector ken residente iti Barangay 44, Zamboanga dtoy ciudad idinto a ti agtagikua iti baka ket agtawen ti 40, naasawaan, ken residente iti Brgy. 16, San Nicolas.
Kunana a basar iti imbestigasyon da, agpalaud ti garbage truck idi kellaat a napukawan ti preno isut gapo na a saanen a nakontrol ti driver ti manibela agingga a nadungpar na ti baka ken nagderderetso iti concrete drainage.
Gapo iti daytoy, nagsagaba ti sugat ti driver ken naitaray iti Gov. Roque Ablan Sr. Memorial Hospital para iti naan-anay a panakataming na idinto a dead on the spot ti baka.
Kabayatanna, inbatad ni Santos a nagsaritan ti driver ken agtagikua ti baka no sadinno agbayad ti maseknan ti 40,000 pesos.
