LAOAG CITY – Nakimat ti maysa a baka iti Sitio 4 Brgy. 21 iti ili ti Sarrat.
Daytoy ti inpakaamo ni Brgy. Chairman Reynaldo Malaqui iti nasao a lugar.
Inbatadna nga iti oras ti alas tres idi kalman ti malem ket manarimaan iti panaginana iti akin taraken iti abong-abong nga asideg iti damortis nga nakaigalotan ti baka idi kellaat nga adda iti arigna apoy a nagtupak manipod iti tangatang.
Apaman a kitaen ti akintaraken ti nasao a baka ket ditoyen a nakitana a nauram daytoy ken pimmusay gapu iti pannakakimatna.
Segun kenni Malaqui, gapu iti napasamak ket insigida nga inpapartida ti baka tapno sidaen ken ipaaruga iti dadduma.
Innayonna nga iti laksid ti napasamak ket nagyaman latta iti akin taraken gapu ta saan a nairaman no sadinno kaabayna laeng iti tarakenna.
Iti agdama, mayat ti kasasaad ti bagi iti kabaranggayanna ken awan iti aniaman a sensyales iti panakatraumana gapu iti kimat.
